Қазақстан Республикасының Туризм және спорт министрлігі лицензиясы бар ойын бизнесімен айналысатын кәсіпорындар тарапынан бәсекелестіктің жоқтығы жағдайында Қазақстанда өркендеп келе жатқан заңсыз ойын және лотереямен күресу шараларын күшейтуде.

Тек жыл басынан бері ел бойынша заңсыз лотереялар ұйымдастырғаны үшін 127 әкімшілік хаттама жасалып, оның 70-і сотта жауапқа тартылып, қалған хаттамалар қаралуда.

Интернеттегі заңсыз құмар ойындар мәселесі өзекті бола түсуде. Ағымдағы жылдың 10 айында мемлекеттік органдар, соның ішінде Туризм және спорт министрлігі,

ҚР Бас прокуратурасы, Қаржы мониторингі агенттігі және Ішкі істер министрлігі заңсыз онлайн-казинолар мен букмекерлік кеңселердің қызметіне қатысты 16 650 интернет-ресурсты анықтады.

Бірақ мұндай сайттардың бұғатталуына қарамастан, олардың иелері өздерінің заңсыз әрекеттерін жалғастыра отырып, тез арада «айна» ресурстарды жасайды.

Заңсыз ресурстарды үнемі қалпына келтіруге жауап ретінде

Министрлік «Ойын бизнесі туралы» заңға өзгерістер енгізуге бастамашы болды. Жаңашылдықтарға Министрліктің қызметі заңсыз деп танылған шетелдік ойын ұйымдастырушылардың тізімін жүргізу өкілеттігі, сондай-ақ банктер мен төлем жүйелеріне олардың пайдасына қаржы операцияларын жүргізуіне тыйым салу кіреді. Бұл жаңалық заңсыз кәсіпкерлікті ұйымдастырушылардың кірісіне қол жеткізуді бұғаттауға, мұндай қызметтің экономикалық тартымдылығын төмендетуге арналған.

Ағымдағы жылдың 27 қазанында онлайн-казинолардың белгілерін анықтау үшін Интернет-ресурстардың мазмұны бойынша ақпаратты жинауды және талдауды қамтамасыз ететін жаңа Ережелер күшіне енді.

Министрлік екінші деңгейлі банктермен бірлесе отырып, онлайн-казинолардың тізілімін де әзірледі, ол департаменттің ресми сайтында орналастырылады. Бұл банктерге заңсыз ойын сайттары мен букмекерлік кеңселердің пайдасына төлемдерді жедел бұғаттауға мүмкіндік береді, бұл экономикаға да, қоғамға да ауыр зиян келтіретін заңсыз әрекеттермен күресте қосымша шара болмақ.

Сіздің ақпаратыңыз үшін онлайн казинолар — бұл пайдаланушыларға ойын автоматтарына, рулеткаға, покерге және басқа да танымал ойындарға қатысуға мүмкіндік беретін Интернет арқылы қол жетімді виртуалды құмар ойын алаңдары. Олар тез арада жаһандық индустрияға айналды, әсіресе құмар ойындарға тәуелділіктің (людомания) таралуы тұрғысынан айтарлықтай тәуекелдер туғызды. Дәл осы себепті Қазақстанда мұндай онлайн платформалардың қызметіне тыйым салынған.