Қазақстанда құмар ойын бизнесін реттеуге жауапты Мәдениет және спорт министрлігі құмар ойын мекемелерінің саны 50 еседен астам қысқарғанын белгілі бір дәрежеде мақтанышпен мәлімдеді. Алайда, біздің ойымызша, мемлекет тиісті деңгейде реттелген жағдайда қазынаға елеулі табыс әкеле алатын құмар ойын бизнесін дамытуға емес, керісінше, оның барынша қысқаруына ықпал етіп отыр. Бұл тек салық түсімдері ғана емес, сонымен қатар халықты жұмыспен қамту тұрғысынан да маңызды сала.

Уәкілетті органның ресми сайтында жарияланған мәліметтерге сәйкес, 2022 жылы құмар ойын мекемелеріне жүргізілген жоспардан тыс тексерулер нәтижесінде жеті әкімшілік іс қозғалған. Нәтижесінде: бір ойын автоматтары залы лицензиясынан айырылды; соттың бірінші сатыдағы шешімдерімен үш залдың қызметі тоқтатылды; алты әкімшілік айыппұл салынды; 15 букмекерлік лицензияның күші жойылды.

Осыған ұқсас тәжірибе 2023 жылы да жалғасын тапты: құмар ойын бизнесі саласында алты лицензияның күші тоқтатылды, тағы жеті ұйымға қатысты тиісті жұмыс жүргізілуде.

Сонымен қатар, құмар ойын саласындағы заңнаманы өзгертуге бағытталған 62 түзетуді қамтитын үш заң жобасы әзірленді. Бұл шаралар әлеуметтік және экономикалық жағымсыз салдардың алдын алу мен профилактикаға бағытталғаны айтылып келеді, әсіресе ойынға тәуелділік мәселесіне ерекше көңіл бөлінуде. Алайда, «тыйым салынған нәрсе тартымды келеді» деген қарапайым қағиданы министрлікте ескере ме деген сұрақ туындайды.

Нәтижесінде, бір кездері жұмыс істеген 140 казино мен 2 мыңнан астам ойын автоматтары залдарыныңорнына бүгінде бар болғаны 39 лицензияланған ұйым ғана қалды.
Олардың ішінде: 6 казино; 10 ойын автоматтары залы; 17 букмекерлік кеңсе; 6 тотализатор бар.

Егер букмекерлік кеңселер мен тотализаторларды есепке алмағанда (олардың басым бөлігі бүгінде онлайн форматқа көшкен), еліміздегі Қонаев пен Бурабай атты екі құмар ойын аймағының әлеуеті бар болғаны 16 мекемемен шектеліп отыр.

Мұндай саясатқа сәйкес, салық түсімдері де айтарлықтай өзгеріске ұшырады. «Қазақстан Республикасындағы букмекерлік және лотерея бизнесінің өзін-өзі реттейтін ұйымы» қауымдастығының басшысы Ғалымжан Дуамбековтің мәліметінше, 2022 жылдың қорытындысы бойынша Қазақстандағы құмар ойын бизнесі жалпы 124 млрд теңге көлемінде салық төлеген. Алайда, оның 109 млрд теңгесі букмекерлік кеңселердің үлесінетиесілі.