Қазақстанда өз балалары мен кредиторлар алдындағы қаржылық міндеттемелерді орындаудан жалтарған адамдар тарапынан әлеуметтік цинизмге қарсы күрес күшейтілуде. Прокуратура және басқа да уәкілетті органдар борышкерлердің құмар ойындарға қатысу жағдайларын анықтау бойынша — ірі қарыздардың болуына қарамастан жүйелі жұмысты бастады.

Ақпаратқа сәйкес, өткен жылы борышкерлер тізілімінде тіркелген 1 761 азамат онлайн-казино мен букмекерлік кеңселерде 5,8 миллиард теңгеден астам сомаға бәс тіккен. Бұл ретте олардың жиынтық берешегі 2,6 миллиард теңгені құраған.

Біздің басылымға казино операторларының ұлттық қауымдастығының заңгері Артем Тимошенконың айтуынша, заңда белгіленген тыйымға қарамастан құмар ойындарға қатысуды жалғастыратын борышкерлердің бірыңғай тізіліміне енгізілген тұлғаларға қатысты құқық қолдану тәжірибесі күшейтілді.

«Қазірдің өзінде нақты сот шешімдері бар. Мысалы, борышкерлердің бірі біршама қарызына қарамастан, казинолардың бірінен 4 миллион теңгеден астам ұтыс ұтқан, бірақ ол өз міндеттемелерін орындаудан жалтаруды жалғастырған. Нәтижесінде сот оны кінәлі деп тауып, бір жылға бас бостандығын шектеу жазасын тағайындады”, – деп түсіндірді Тимошенко.

Оның айтуынша, 2024 жылы тек Алматыда осындай фактілер бойынша 14 сотқа дейінгі тергеу қозғалған, оның 11-і айыптау үкімдерімен аяқталған. Алматы облысында ойын орындарында қомақты қаржысынан айырылған борышкерлер қылмыстық жауапкершілікке тартылған жағдайлар да орын алған. Осыған ұқсас тәжірибе еліміздің басқа өңірлерінде де байқалады — мысалы, Батыс Қазақстан облысында,  прокуратура, әділет және жеке сот орындаушыларының бірлескен жұмысының нәтижелері бойынша борышкерлердің 30 миллион теңгеден астам сомма бәстігулерге қатысу фактілері анықталды.

2024 жылғы 9 қыркүйектен бастап Қазақстанда бірыңғай борышкерлер тізіміне енгізілген барлық адамдарға құмар ойындарға қатысуға тыйым салынды. Заң жұмыс істейді және біз алғашқы нәтижелерді көріп отырмыз”, — деп атап өтті заңгер.

Бұл қадам — жауапкершілікті арттыру мен қаржылық салғырттыққа қарсы күреске бағытталған кең ауқымды саясаттың бір бөлігі. Қазақстанның құқық қорғау органдары, қарызы бола тұра құмар ойындарға қатысуға талпынғандардың енді жазасыз қалмайтынын анық түрде жеткізіп отыр.